تعرضت الفنانة الشابة “ملك أحمد زاهر” لأزمة صحية طارئة منذ أيام، مما أدى إلى دخولها المستشفى عدة مرات في وقت قصير، وشاركت الفنانة “ملك أحمد زاهر” الجمهور تفاصيل دخولها المستشفى من خلال حساباتها الرسمية بمواقع التواصل الاجتماعي، ولكنها فاجأت الجمهور بعد ذلك بعدم توصل الأطباء لتفاصيل مرضها أو أسبابه.
وقالت عبر حسابها الرسمي “انستجرام” موضحة: “انا والله مكنت متوقعة كل الي حاصل ده انا لما حبيت أشارك حالتي الصحية، كان عشان كنت مخضوضة جداً علي نفسي وفكرة إن لا أنا ولا الدكاترة حتي عارفين أنا عندي إيه دي كانت تعباني”.
أسباب مشاركة حالتها الصحية
كما أضافت ملك: “كنت محتاجة بس أوصلكم إن حياتي فيها الحلو وفيها الوحش وقلت في الستوري إن الموضوع مش الغرض منه القلق. وإني مش عايزة حد يقلق عليا أنا كويسة وعندي يقين بربنا إنه هيقومني بالسلامة، وإن شاء الله تبقى حاجة بسيطة. بس من خضتي كتبت مع إن دي مش طبيعتي إني أشارك الحاجات السلبية عمومًا”.
رسالة شكر من ملك احمد زاهر للجمهور
وتابعت: “أنا بس مش عارفة أقول إيه ولا إيه من قلبي بشكر كل حد سأل عليا ودعالي والله كله كان بيوصلني. وأنا أسفة لو مردتش على حد وبشكر كل زمايلي وأساتذتي اللي كانو بيسألوا عليا كل يوم ومسابونيش لحظة. وكل صحابي وعيلتي اللي كانو جنبي أنا الحمدلله بقيت أحسن من الأول وبطلت أروح المستشفي. الحمدلله بحمد ربنا إنها جت على قد كده حتى لو الأيام اللي فاتت كانت صعبة. واللي عندي ده حاجة مخيفة شوية، وخضتنا بس برضو أنا كويسة والحمدلله أنها جت لحد كده”.
بينما اختتمت ملك حديثها قائلة: “ربنا حماني من حاجة أكبر. وأهم حاجة إذا عرف السبب بطل العجب والحمد لله أننا عرفنا.. هي حساسية شديدة في الدم، الموضوع critical شوية بس أنا مطمنة.
أنا بخف وبتحسن كل يوم الحمد والشكر الله ومفيش حاجة خطيرة بإذن الله، وأنا أسفة لو كنت قلقتكم بس ده مكانش الغرض أبدًا والله. شكرًا من كل قلبي على الحب ده أنا عرفت غلاوتي، عندكم وعند كل اللي حواليا بشكركم من كل قلبي”.