تحولت رحلة العودة من دبي إلى القاهرة إلى كابوس حيّ عاشه ركاب الطائرة. بينهم النجمة رحمة عصام، والنجم طارق الشيخ، بعد عطل مفاجئ في محركات الطائرة هزّ توازنها وأجبر الطيار على العودة إلى دبي. دقائق من الرعب جعلت الجميع يعيش لحظات يصفها البعض بأنها الأقرب إلى النهاية وسط انخفاض مستوى الأكسجين وذعر الركاب والطاقم.
كشفت المطربة رحمة عصام، في أول تصريح لها عقب الحادث، عن اللحظات الصعبة قائلة:
“عمرى ما كنت أتخيل إنى أكتب بوست زي ده، بس الحقيقة في حياتنا نعم كتير مش واخدين بالنا منها. ركبت الطيارة النهارده عادى، وفجأة حصل عطل في محركات الطيارة وتهبط مرة واحدة لمستوى قريب من الجبال.”
وأضافت رحمة: “الأكسجين بيقل والذعر بيعم المكان، والطاقم بيجرى ورا بعض ومحدش فاهم في إيه، والنفس بيضيق أوى. خلاص بنستسلم للنهاية الحتمية إن الطيارة بتقع.”
واختتمت: “لحظات صعبة ومرعبة تلات ساعات من الرعب في الجو، وعلى أساسها الطيار مكملش لمطار القاهرة ورجع تانى على مطار دبي. الحقيقة إنه مفيش حاجة ف الدنيا مستاهلة، وإنه ف لحظة ممكن كله يخلص وينتهى وأنت مش حاسب له حساب.”
من جانبه، طمأن المطرب الشعبي طارق الشيخ جمهوره بعد الحادث عبر فيديو حصري، مؤكدًا سلامته وسلامة جميع الركاب:
“الحمد لله ربنا نجانا ونجي كل اللي في الطيارة، وإحنا الحمد لله لسه واصلين مصر دلوقتي. اللهم لك ألف حمد وشكر يا رب.”
حيث تعرضت الطائرة لعطل فني مفاجئ عقب إقلاعها مباشرة. بعد احتفال النجوم بموسم رأس السنة. وأدى العطل إلى حالة من الذعر بين الركاب استدعت العودة الفورية إلى مطار دبي لضمان سلامة الجميع.
